طاطا المدينة التي تعاني !!!
طاطا مدينة لي الكل كايعاني فيها واي واحد تسولو ابكي واشكي عليك الأرض و الثقافة والتراث ديالها محبوب وصعيب انساهوم لي ساكن فيها والناس كانت صابرة ومضاربة مع الاقتصاد باش اتطور فيها والناس لساكنة فالمدن المغربية كاتجي وكادير مشاريع ديالها فيها باش اقربو لعائلتهوم ولكن المشاكيل أصبحث كثيرة وتتفاقم وهي على الشكل التالي :
احتكار المناصب والوظائف. المسؤولين لبرانيين على طاطا كايجيو لها صفحة بيضاء معارفين عليها والو وكايحقدوهوم لي أصلهم من طاطا وهما لخرجو عليها ومنهم ناس لعرقلو المشروع ديال أنشاء ملحقة إبن زهر فمدينة طاطا.حيت خافو اتزاد عليهوم بنادم فالمدينة وغاتزاد عليهوم المسؤولية.
عدم توفير فرص الشغل لا في القطاع الخاص ولا العام طاطا اديرو فيها غا شي معمل واخدمو 300 شخص غايحاربو البطالة وغايحركو الاقتصاد
عدم الإهتمام بالأماكن السياحية والتراثية راه فورزازات غير عطاو قيمة لهذه المآثر ودارو لهم الترميم والإصلاح راها ولات سينامئية عالمية كايتصورو فيها أفلام عالمية وكتعرف استقبال سياحي زاهر.
غياب المسابح والمتنفسات الشباب كايعومو غا فالوديان وعطا الله الضحايا. والعائلات مزاحمين فساحة العلويين مكاينة حتا جردة ولا مستنبت فين اتبردو الناس الجرادي لدايرين راه مفيهوم حتا الضوء ولي كاع فيهوم الضوء كايسدوهوم قبل المغرب.
كثرة الأمن بنادم فايق اخدمو واصور طرف ديال الخبز فينما كادور كاتلقا بوليسي واشدك نصف ساعة على والو. وبالخصوص الدرك الملكي كادوز عليهوم فالطريق الرئيسية اربع مرات فالنهار وفينما اشوفوك تاويكفوك اجبدو ليك شي بروسي مكاتوقعوش وحاضينك امتا تغفل ازمطوك. بنادم مقهور فديك البلاد الله افرجها ولكن كاين مشكيل كبير حتى فبعض الساكنة قليل ليعتق خوه شي كايبغي ابان على شي. كاين لساكن ففيلا وحداه جارو ساكن فبراكة ميعتقو ميشوف فيه كاين لصايك طموبيل وكايلقا راجل كبير غادي على رجلو ميركبو معاه ميحن فيه وفي آخر المطاف الكل محبوس في قفص واحد. وعطا الله مايتكال على طاطا بلا منهضرو على الادارات والمصالح والمرافق كالمستشفيات إلى كنتي مريض مستعجل خاصك نزورهوم قبل ماتمشي لأكادير .
