قصة رعب حقيقية وقعات لي😳👇

 هاد القصة صراتلي هاذي شي خمس سنين ولدابا كنتفكرها لحمي كتبورش حنا ساكنين فمدينة ما فيهاشي البحر أقرب بحر لينا على بعد ساعتين واحد دري صاحبي اقترح عليا نمشي معاه واحد اليوماين للفيلا دخالو مخليلو السوارت يقابلهالو نخلصولو الضو والما ونيت نتبردو فالبحر ونرجعو بحالنا وافقت مع الصباح بكري شدينا الطريق على الموطور ديالو شوية بشوية حتى وصلنا فطرنا مشينا للفيلا طرفناها وهزينا الاوراق خلصنا الضوا والما وقصدنا البحر ضربنا الشواية وبقينا الزهو والنشاط والدريات حتى قرب يطيح الظلام رجعنا للفيلا دوشنا قصينا ودرنا واحد الفيلم دالخلعة نسهرو عليه هو صوناتلو وحدة من الدريات اللي بحرنا معاهم خرج يتلاقاها وأنا بقيت بوحدي كنتفرج ما حسيتشي براسي حتى لقيت راسي غفيت ضربتني الفيقة لقيتها دازت ساعتين سمعت التقرقيب فالكوزينة قولت صافي هادا العشير جا وكيطيب شي حاجة عيطتلو ما جاوبنيش عيت نعيط والو قلت خليه حتى يجي على خاطرو بقيت متكي كنتفرج حتى جاني النعاس نوضت نطفي التلفازة عيطتلو كولتليه يجيب شي كاس دالم فيديه ملي يكون جاي طفيتها وراجع وأنا نقشع الموطور ديالو ما كاينش حدا الباب هادشي كيعني ماشي هو اللي فالدار شكون عيكون هادا اللي كيقرب فالكوزينة حكمتني الخلعة ما عرفت نمشي نطل ولا نهرب ولا نرجع بلاصتي ركابيا فشلو عليا وانا نسمع صوت الزطامي شي حد جاي قاصدني تخلعت واخا نبغي نهرب الكوزينة كاينة حدا الباب والشراجم كلهوم شباباك دالحديد ما عندي كيف ندير نهرب رجعت لبلاصتي تغطيت ودرت براسي مازال ناعس وأنا كندعي الله يعتقني سمعت الصوت دالزطامي مورايا والتقرقيب دالكاس كيتحط على الطبلة وما كاين حتى صوت حسيت بحال شي حد كيراقبني من بعد حسيت بأربعة درجلين كيتمشاو فوق مني بقيت كنقرا السورات دالقرٱن اللي حافظ وأنا كلي كنترعد حتى حسيت بشي حد كيجرلي الغطا وأنا باقي مكوانسي فبلاصتي ما عارف ما ندير شوية حسيت بحال شي واحد كيشمشمني ما قدرتشي نصبر وأنا كنحس بالشعر ديالو فوجهي فتحت عيني كنتصدم بمش كحل كلو كحل حتي عينو كوحل ما تعرف عينو من فمو كلشي فيه كحل دفعتو بالجهد حتى جا مسيب فالأرض وخرجت كنجري كنتصادف عي مع صاحبي جا بقيت كنغوت مخلوع ما تاقشي بيا كاليا عي كثرتي من الافلام دالرعب دخلنا بزوج قلبنا الدار كولها حرام واش لقينا داك المش بصح الكاس دالما مازال محطوط فبلاصتو عييت نشرحلو المش اللي جابولي حرام واش تيقني اتكى حدايا ومشى ينعس طفينا الضواو حرام واش داني النعاس دازت شي ساعتين وهو نرجع نسمع نفس التقرقيب فالكوزينة وهاد المرة حتى هو سمعو بحال شي واحد كيتمشى فيها نضنا كنجريو فداك الليل رجعنا بحالنا ...